Dated Siaha, the 23rd Pachawh, 2023
Târi 23.04.2023 (Pahânoh) khata MSO Gen. HQ, Siaha nata Police Department, Siaha zy apakaohpa ta viahpa (Non-Tribal) Inner Line Permit (ILP) a hnei leipazy nata hnei thlâh tlôh ta thi hapa nata, sponsorship ama hmôna hawhta y leipazy mopadona hneipa a châ.
Mopadona he New Colony Area liata eima pahno theina rakha liata mo laih tuapa châ ta, Inner Line Permit (ILP) sia leipa vaw y hôlô ei ta, vâro tlai patupa ta Police Station lâ â chhipa ama châ. Atanoh ta ama ILP sia leipa eima patupazy he a tlâhpipa ta sponsor ama hmôna chhâ hawhta rai hria leipazy, ama hria n’awpa su liata hria leipazy, renew khao leipazy nata a hnei raita a hnei leipazy sai rô ama châ.
He a viahpa (Non-Tribal) eima tah tyhpazy he khatino rai ta miah disao theipa châ ei ta, sponsorship eima taona kyh lia chhaota eimâ sohsi awpa a peimawh ngaita kaw. Chavâta, su hro lâ chhao mopadona hnei lymâ awpa châ ta, Mararâh zawpi ahyrai ta he kyh lia heta eima chyhsa sponsor pazy kohki ta mopazi awpa nata, ama yna chhâ ta hawhta hmâh ta ama daihti nata tao awpa a chhâ khiahtala ama râh lâ thlai pakuasa lymâ awpa he eimâ chhuah chyu awpa ta â hrua pi ta, eimâ haw hmeiseih.
Issued by : Mara Students’ Organisation Gen. HQ, Siaha
