MSO GEN. HQ TA AGS THIEHPA EIMA HNEI
Atanoh târi 14.04.2023 (Chutynoh) khata MSO Gen. HQ, Siaha liata eima Asst. Gen. Secy châ ngâhaipa St. Beirachhitha Bohia cha su hrolâ y ha bâ awpa a châpa vâta Executive Committee Meeting ta palôh pasoh kawpa ta pachâ ta, ano su ruapa pabie awpa ta bye-election hneipa a châ.
![VT. Lawmsanga, Assistant General Secretary](https://msohqsiaha.org/wp-content/uploads/2023/04/VT-Lawmsanga-1.jpg)
VT. Lawmsanga, Assistant General Secretary
Ano su ruapa pabie awpa ta bye-election he Pp. T. JB. Rona, President chhihthana ry liata hneipa châ ta, candidate zy taopa a châ khai tawhta Pp. VT. Lawmsanga, Exe Cmmt Member cha lôhraoh kawpa ta Asst. Gen. Secretary châta atlyh patlohpa a châ tahpa MSO Sub-HQ, Jt-HQ, Branch zydua nata Achuhaipazy hnohta eimâ pahnosa.
Puhpa VT. Lawmsanga Asst Gen Secretary thiehpa châta atlyh patlohpa na châpa he châ lykhei pi ta, ti nata râh, Achuhaipazy châta na theina zydua papua awpa ta khokheina sâh chaipa eima cha hlâ.