Dated Siaha, the 3rd Pachawh, 2023
Atanoh târi 03.04.2023 (Hriatuanoh) khata Mara Students’ Organisation General Headquarters, Siaha ta Puhpa, M. Laikaw, CEM MADC nata Puhpa, Lura Hauzel, Superintendent of Police, Siaha zy apakyhna eima hnei.
CEM apakyhna lia heta MSO ta MADC hnohta ahawna eima tao chiehpa pahnosa chaneina nata peimawh a tah viapazy cha a ry lia hawhna heta tlôkheipa a châ.
i) Aizawl Mara Hostel siekhei ngâhaipa liata Sawhkhâ rai a hria leipa sawnahzy khokhei via awpa nata, Hostel Admission liata a siahlia viapa ta dâh tao awpa ta ahawna a tao chanei.
ii) Siaha District chhôh liata Elementary Schools (Primary nata Middle School) hawtizy Chi nata Pho thapasana palôh ama hnei via thei n’awpa ta School kia daihti liata ‘Thyu ula Marasaw’ tahpa hla sa tyh awpa ta ahawna tao chanei heihpa a châ.
iii) Achuna kyh liata Marasawzy ta hlâta Uhthei viapazy, Nô nata Paw nata hrozie nôchâ â ngiapa eima hnei via thei n’awpa ta Moral Science/Moral Education Elementary School zy hnohta achuna pachhuahpanoh awpa ta ahawna taopa a châ.
iv) MADC liata hria awpazy lana kyh liata a sianô viapa ta rai la ta, pachutuhpa rai chhao Advertisement papua ta, la tyh awpa ta ahawna tao heih ta, he he 11th Term MADC Sawhkhâna (BJP) nata 12th Term MADC Sawhkhâna (Congress+MNF) zyta thla 5/6 chhôh châta pachutuhpa â daih leina vâta ama lapa heta achuna kyh liata Siku hawtizy pariarina nata, achuna liata Hawtizy hnôh asyna a tlôkhei thei awpa vâta Contractual ta Recruitment tao ta a sianô kawpa ta la awpa ta ahawna tao chaneipa a châ.
Eima CEM zachhih kawpa ta achuhaipazy châta MSO hmalahna nata bie peimawhpa a tlôkheipazy he aly kawpa ta ama tao pazi awpa zie nata, hlao a patloh awpa zie miah a chhopa vâta a hnohta alynabie eima reih hmeiseih.
CEM MADC apakyhpa a châ khai tawhta Puhpa, Lura Hauzel, Superintendent of Police, Siaha cha a Office liata apakyhna hneipa châ heih hra ta, Traffic Warden National Cadet Corps (NCC) nata College Studentt Corps (CSC) tawhta Traffic Police zy amâ daihleina vâta ama Duty kheina kyh nata, Siaha District chhôh liata Inner Line Permit kyh liata Siaha Police zy nahta hmahla khoh awpa ta aryhnazy taopa châ ta, SP chhaota Mararâh châta MSO nahta hriaparaoh lymâ awpa a khoh zie miah chho ta, a hnohta alynabie eima rei hmeiseih.
Issued by : Mara Students’ Organisation Gen. HQ, Siaha
