Dated Siaha, the 4th Pachawh, 2023
Atanoh târi 04.04.2023 (Hriaheinoh) khata MSO Gen. HQ, Siaha liata Asst. Gen. Secretary chakaona rai hria ngâhaipa St. Beirachhitha Bohia cha Department of Biotechnology, Pachhunga University College liata Junior Research Fellow rai a tloh hapa vâta pathliena nata alykheina daihti MSO Office, New Colony II liata hmâpa a châ.
![](https://msohqsiaha.org/wp-content/uploads/2023/04/WhatsApp-Image-2023-04-04-at-11.03.35-PM-970x1024.jpeg)
He pathliena nata alykheina daihti he Pp T. JB. Rona, President chhihthana ry liata hmâpa châ ta, Pp. TA. Beihnia, Sr. Adviser tawhta pasyuna bie pha kawpa nahthliepa a châ. Pp. Elson Eliasah Notlia Vice President, Pp. Byhna Chozah Gen. Secy nata Pp. VT. Lawmsanga Exe. Cmte Mem zy tawhta chhao pasyuna bie pha kawpa nahthliepa châ ta, St. Beirachhitha Bohia chhaota alynabie reina a hnei hra.
St. Beirachhitha Bohia ta rai a hmôna he DST-SERB Empowerment and Equity Opportunities for Excellence in Science (EMEQ), Gov’t of India project ry liata Junior Research Fellow (JRF) rai hria awpa châ ta, a rai tlohna he post sâkha a ruapa liata a châ.
![](https://msohqsiaha.org/wp-content/uploads/2023/04/WhatsApp-Image-2023-04-04-at-11.03.31-PM-1024x679.jpeg)
MSO Gen. HQ, Siaha liata eima hrialâhpa St. Beirachhitha Bohia he sasyh â vao pahnie kawpa, sapa nata thlahpa lia chhaota mopâtlâh châ kawpa nata paritheipa, pa-ô pazy liata asohsi thei kawpa châ ta, he hawhta rai pha kawpa liata a tloh theipa he hrialâh pha kawpa a châna lâ tawhta eima i kaw nota â palaikhei pi ta, eimâ lykhei hmeiseih.
Hmia lâ a sie lymâ n’awpa liata hlaotlohna pha viapa to lymâ awpa nata, ti nata râh châta chyhsa phahnaipa châ via lymâ awpa ta MSO Gen. HQ, Siaha ta khokheina sâh chaipa eima hlâ hmeiseih.
Issued by : Mara Students’ Organisation Gen. HQ, Siaha